«Барселона» ҳужумчиси Лионель Месси жамоадаги келажаги ва қаерда ўйнашни исташи ҳақида гапирди. «Бирон клуб билан музокара олиб бормаяпман. Айтганимдек, мавсум сўнгигача ҳеч нарса аниқ эмас. Нима бўлишини кейин кўрамиз. Қачондир АҚШда ўйнашни хоҳлардим. Бу доим менинг орзум бўлган. Аммо бунинг содир бўлиш-бўлмаслигини билмайман. Неймар? Уни «Барселона»га қайтариш жуда қиммматга тушади. Келажакка келсак, албатта, «Реал» ёки «Атлетико»га ўтмайман. Бу иложсиз. «Барселона»ни тарк этаманми ёки йўқми, билмайман. Бу ҳақда мавсум охирида гаплашамиз. Аммо фаолиятимни якунлагандан кейин клубда қоламан, деган умиддаман», – дея Мессининг сўзларини келтиради La Sexta. 33 ёшли аргентиналик футболчининг каталонияликлар билан амалдаги шартномаси 2021 йил ёзигача мўлжалланган. Аввалроқ унга «Манчестер Сити» асосий даъвогарлиги хабар қилинганди.