«Барселона»нинг аргентиналик 33 ёшли ҳужумчиси Лионель Месси ва «Атлетико» форварди Луис Суарес яна бир клуб сафида тўп суриши мумкин, дея хабар бермоқда Goal. Манбанинг ёзишича, Месси ва Суарес АҚШнинг «Интер Майами» клубида бирга тўп суриш имкониятига эга. Дэвид Бекҳэм раҳбарлигидаги клуб 2022 йилгача Месси ва Суаресни МЛСга олиб келмоқчи. Бекҳэм ушбу юлдуз футболчиларнинг Америкада тўп суриши МЛС нуфузини кўтаришига ишонмоқда. Маълумот учун, Мессининг Каталония клуби билан амалдаги шартномаси 2021 йилнинг ёзида ниҳоясига етади. Аввалроқ, футболчи АҚШда тўп суришни орзу қилиши ҳақида гапирганди.