«Barselona» hujumchisi Lionel Messining otasi Xorxe Messi o‘g‘lining «PSJ»ga o‘tishi mumkinligi haqidagi mish-mishlarni rad etdi. Avvalroq El Chiringuito TV Messining otasi dushanba kuni Barselonada fransuz klubi vakillari bilan muzokaralar olib borgani haqida ma’lumot bergandi. «Yolg‘on. Yana bir uydirma. Men sentyabrdan beri Argentinadaman. #Fakenews (Soxta xabar)», – deb yozadi Xorxe «instagram»dagi sahifasida. Eslatib o‘tamiz, argentinalik forvard 2020 yil yozida «Barselona»ni tark etish istagini bildirgan edi. Uning klub bilan shartnomasi 2021 yil yozigacha mo‘ljallangan.
Izohlar