2020 yilda Google’da eng ko‘p qidirilgan futbolchi ma’lum bo‘ldi

SEMrush portali 2020 yilda Google qidiruv tizimida eng ko‘p marta so‘rov berilgan futbolchilarni e’lon qildi.
Manbada keltirilishicha, professional futbolchilar orasida eng ko‘p so‘rov yuborilgan futbolchi «Pari Sen-Jermen» hujumchisi Neymar bo‘lgan. Braziliyalik forvard ketma-ket ikkinchi yil bu borada tengsiz futbolchiga aylangan. Yakunlangan yilda Neymar qidiruv tizimida har oyda o‘rtacha 482 636 marotaba qidirilgan. 
Bu borada ikkinchi o‘rindan «Yuventus» hujumchisi Krishtianu Ronaldu joy olgan. Portugaliyalik 35 yoshli hujumchi tizimda o‘rtacha 325 909 marta so‘ralgan. 
Neymarning klubdoshi Kilian Mbappe bu borada 6-o‘rinda. Fransiyalik forvard bir oyda o‘rtacha 147 955 marta qidirilgan.
«Barselona» goleadori Lionel Messi bu safar ushbu reytingda 9-o‘ringa tushgan. Argentinalik hujumchi o‘rtacha 118 545 marta izlangan.

Manba aniq uz