Pulkovo aeroportida polisiya sevgilisini Afrikaga jinsiy qullikka sotib yuborayotgan rossiyalik yigitni hibsga oldi. Bu haqda Mash telegram kanali xabar bermoqda. Sankt-Peterburgning 20 yoshli fuqarosi bir necha oy oldin ijtimoiy tarmoq orqali 19 yoshli rossiyalik qiz bilan tanishib, uchrashgan. Keyin turmush qurishga va’da berib, o‘z niyatlarining jiddiyligini isbotlash uchun hattoki Turkiyaga romantik sayohat uyushtirgan. O‘z navbatida qizga bu haqda qarindoshlariga aytmaslikni so‘ragan. Qiz Turkiyaga ketgach, bundan bexabar bo‘lgan va qizning g‘oyib bo‘lganidan tashvishlangan ota-onasi polisiyaga murojaat qilishgan. Huquqni muhofaza qilish organlari xodimlari yigit Turkiyada qizni Shimoliy Afrikaga yuboradigan vositachiga sotishni rejalashtirganini aniqlashdi. Yigitga nisbatan Rossiya Federasiyasi Jinoyat kodeksining 127.1-moddasi ("Odam savdosi") bilan jinoyat ishi qo‘zg‘atilgan. Manba aniq.uz