«Yuventus» hujumchisi Alvaro Morata jamoadoshi Krishtianu Ronaldu haqida gapirdi. «Krishtianu bilan o‘ynash oson. Uni anchadan beri taniyman. Uning harakatlarini va nima qilishni yaxshi ko‘rishini bilaman. Men uni qo‘riqlaydigan himoyachilarni chalg‘itishga harakat qilaman va bu unga yordam beradi, deb o‘ylayman. Albatta, u bilan o‘ynash yoqimli. U – hali ham futbol tarixidagi eng zo‘rlardan biri. Ronaldu ajoyib, aql bovar qilmaydigan sifatlarga ega. U xohlagan joyida o‘ynay oladi: xoh orqaroqda, xoh markaziy hujumda. U bilan tandem bo‘lishdan har kuni zavq olishim mumkin va umid qilamanki, bu uzoq davom etadi. Bu – men uchun g‘urur. Uni tomosha qilib ulg‘ayganman. Bu yerga kelganimda u va Dibala bilan o‘ynash haqida o‘ylardim. Hayajonlandim, chunki ular – yuqori darajadagi o‘yinchilar. Maydon tashqarisida ham bizda ajoyib munosabatlar mavjud. Bolalarimga ular bilan o‘ynaganimni aytib beraman», – deya Morataning so‘zlarini keltiradi Goal. Manba: aniq.uz