Bosh Sahifa » Yangiliklar » FUTBOL » UFC prezidenti Habib Nurmagomedov borasida muhim qarorga keldi
UFC prezidenti Habib Nurmagomedov borasida muhim qarorga keldi
13-02-2021, 08:11 838
UFC prezidenti Habib Nurmagomedov borasida muhim qarorga keldi
UFC prezidenti Dana Uayt yaqin kelajakda rossiyalik Habib Nurmagomedovni engil vazn toifasida chempionlik kamaridan mahrum qilmasligini aytdi. Bu haqda «MMA Fighting» xabar berdi.
«Habib Konor va PorYE ustidan g‘alaba qozondi. U haqiqiy chempion. Hozircha uning unvonini bekor qilmaymiz. Habib tez orada Las-Vegasga uchib ketadi. Biz u yerda Nurmagomedov bilan suhbatlashamiz va keyin nima qilishimiz kerakligini hal qilamiz», deydi Uayt.
Nurmagomedov hafta boshida UFC chempionlik kamaridan voz kechishga tayyorligini aytgan edi. 
«Men faoliyatimni tugatganman, yigitlar chempionlik uchun kurashsin», degan edi u «Match TV» telekanali dasturida.
O‘tgan yilning 24 oktyabr kuni Habib Nurmagomedov Abu-Dabida bo‘lib o‘tgan UFC 254 musobaqasida AQShlik Jastin Geydji qarshi bahsda o‘zining chempionlik kamarini uchinchi marotaba muvaffaqiyatli himoya qildi. Ana shu jang yakunida sportchi faoliyatini yakunlaganini e’lon qilgan edi.
Shuningdek, Nurmagomedov UFCdan vazn toifasidan qat’iy nazar uni reytingda birinchi o‘ringa qo‘yishni iltimos qilgan edi. Tashkilot rahbariyati avval AQShlik Jon Jonsdan keyin reytingda ikkinchi pog‘onada turgan rossiyalik kurashchining bu iltimosini bajardi.
Oldinroq Habib Nurmagomedov o‘z faoliyatini futbolda davom ettirishi mumkinligi haqida xabarlar tarqalgan edi.

Manba: aniq.uz
Слушайте еще:
Комментарии (0)

Music
musiqa
Слушать МП3 музыку вконтакте
Только лучшее и хайповое!