Qiziq! "Real" Messining "PSJ"ga o‘tishiga umid qilmoqda

AS xabariga ko‘ra, "Real" Fransiya terma jamoasi hujumchisi Kilian Mbappeni sotib olish bo‘yicha ishlarini davom ettirmoqda.

Manbaning xabariga ko‘ra, "qaymoqranglilar" rahbariyati Lionel Messining erkin agent sifatida o‘tkazgan har kuni "Real" uchun foydali deb hisoblaydi, chunki "Barselona" bilan shartnoma imzolashdagi qiyinchiliklar Argentina terma jamoasi forvardini "PSJ"ga yaqinlashtiradi...

Qayd etilishicha, agar parijliklar Messini qo‘lga kiritishsa, Kilian Mbappe va Neymarni jamoada saqlab qolishsa, «PSJ» hech qanday holatda moliyaviy feyr-pley talablarini bajara olmaydi. Bunday holda, klub ushbu futbolchilardan birini sotishga majbur bo‘ladi.

Eslatib o‘tamiz, 30 iyun kuni Messining "Barselona" bilan shartnomasi o‘z nihoyasiga yetdi. Yangi shartnoma imzolanishi haqida hali e’lon qilinmagan.

Manba: soccernews.ru