Bosh Sahifa » Yangiliklar » FUTBOL » ⚡️Rasman: Lionel Messi “Barselona”dan ketdi
⚡️Rasman: Lionel Messi “Barselona”dan ketdi
5-08-2021, 21:27 555
⚡️Rasman: Lionel Messi “Barselona”dan ketdi
Hujumchi Lionel Messi “Barselona”dan ketdi. Bu haqda klub rasmiy sayti xabar berdi.




Klub va Lionel Messi kelishuvga erishgan va bugun yangi shartnoma imzolash niyatida bo‘lishiga qaramay, La Liga reglamenti bilan bog‘liq iqtisodiy va tarkibiy to‘siqlar tufayli hujjatni rasmiylashtirishning iloji bo‘lmadi.

Shu tufayli Lionel Messi endi “Barselona” sharafini himoya qilmaydi. Tomonlar klub va futbolchining istaklari bajarilmaganidan qattiq afsusda.

“Barsa” futbolchiga klub rivojiga qo‘shgan hissasi uchun samimiy minnatdorchilik bildiradi va unga shaxsiy va professional hayotida omad tilaydi.

“Barselona” bayonoti

Ma’lumot uchun, Messi “Barselona” tarbiyalanuvchisi hisoblanadi. U 2000-yildan beri klub sharafini himoya qiladi, 2003-yildan esa asosiy jamoada o‘ynaydi. U katalon klubi bilan Ispaniya chempionatida 10, Ispaniya Kubogi va Superkubogida 7, Chempionlar Ligasida 4, Yevropa Superkubogida va klublar o‘rtasidagi Jahon Chempionatida 3-martadan g‘alaba qozongan. Messi faoliyati davomida “Barselona”dan boshqa jamoada o‘ynamagan.

U “ko‘k-anorranglilar” safida umumiy hisobda 778 ta o‘yin o‘tkazib, 672 ta gol, 305 ta golli uzatmani amalga oshirgan. Uning jamoa bilan qo‘lga kiritgan sovrinlari soni esa 35 tani tashkil qiladi.
Слушайте еще:
Комментарии (0)

Слушать МП3 музыку вконтакте
Только лучшее и хайповое!