1992 yildan beri olinmagan: Amerikalik ayol dunyodagi eng uzun tirnoqlarini sotuvga qo‘ydi

AQShning Xyuston shahrida yashovchi 54 yoshli Anna Uilyams dunyodagi eng uzun tirnoqlarini sotmoqda, deb xabar berdi “Metro”.
Ma’lumotlarga ko‘ra, 2017 yilda Uilyams dunyodagi eng uzun tirnoqlari bilan Ginnesning rekordlar kitobiga kirgan.
Ayolning so‘zlariga ko‘ra, unga kundalik ishlarini bajarish qiyin - kvartirani tozalash, idish yuvish va hokazo. Avvaliga eri yordam berib turgan, ammo olti yil oldin ajrashishgan.
Ta’kidlanishicha, 1992 yildan beri olinmagan va shu vaqt ichida 97 santimetrgacha o‘sgan tirnoqlarini Uilyams 47 ming dollarga sotishni rejalashtirmoqda.
"Men qarorimni taxminan bir yil oldin qabul qilgan edim, lekin ularni faqat kerakli miqdorga sotaman. Xaridor topmagunimcha, ularni qisqartirmayman", demoqda ayol.