Kavani uchta o‘yinga diskvalifikasiya qilindi

Angliya futbol assosiasiyasi (FA) «Manchester Yunayted» hujumchisi Edinson Kavanini ijtimoiy tarmoqdagi izohini irqiy kamsitish deb topdi.
Tashkilot e’lon qilgan bayonotga ko‘ra, urugvaylik futbolchi 100 ming funt va 3 o‘yinga diskvalifikasiya qilingan. Kavani APL 10-turi doirasidagi «Sauthempton»ga qarshi o‘yindan (3:2) keyin instagramda tanishlaridan birining g‘alaba va dubl qayd etilgani tabrigiga «Gracias negrito» deya javob qaytargan edi. AFA ushbu «Rahmat, qoravoy» izohini irqiy kamsitish deb topib, futbolchiga nisbatan chora ko‘rdi.
Avvalroq, Edinson bu so‘zlar Urugvayda kamsitilish hisoblanmasligi haqida tushuntirish bergandi.
Shu tariqa, Kavani 1 yanvar kuni APL doirasidagi «Aston Vill», liga kubogi yarimfinali doirasidagi «Manchester Siti» va kubok doirasidagi «Uotford»ga qarshi uchrashuvlarda jamoasiga yordam bera olmaydi.