Shahram G‘iyosov Shohjahon Ergashevga: "Men bilan urushishingga hali ancha bor"

O‘zbekistonda qiziqarli boks bo‘lishi kutilmoqda. O‘zbek boks yulduzlari Shahram G‘iyosov va Shoxjahon Ergashev instagram ijtimoiy tarmog‘ida “gap talashib” qoldi.

Bokschilar bir necha yillar davomida bir birining jig‘iga tegishga harakat qilib kelmoqda. Bu safar mojaro Shahramning Ergashev mashg‘ulotlaridan birida olingan videoga yozgan izohidan boshlandi.

Ergashev Shahramga yaxshiroq tayyorlanishni tavsiya qildi. U yaqin orada bir-birlari bilan jang qilishlari mumkinligi haqida gapirdi. Shohjahon “Sen revansh olishing kerak! Yaxshilab tayyorlan, senga oson bo‘lmaydi” dedi. G‘iyosov ham jim turmay quyidagi gaplarni yozdi: “Men bilan urushishingga hali ancha bor. Senga bundan 60 kg.lik temir yordam bermaydi, yaxshisi tayyorlan”. Shundan so‘ng ular bir-birini kuchsiz raqiblar bilan jangga chiqayotganlikda aybladi. Sportchilar WBA’da eng yengil vaznda jang qilmoqda. Shahram 6-o‘rinda, Ergashev esa 8-o‘rinda bormoqda. Ta’kidlash joiz, Shohjahon havaskor boksda Shahramni mag‘lub etgan.

Manba: aniq.uz