Geytji UFCga ultimatum qo‘ydi. U Konor bilan bog‘liq

Amerikalik aralash jang san’ati ustasi (MMA) Jastin Geytji UFC rahbariyatiga ultimatum qo‘ydi. Bu haqda ESPN xabar bermoqda.
Sportchining ta’kidlashicha, agar Konor Makgregor uchun chempionlik jangi tashkil etilsa, u jangda qatnashmaydi. AQSh vakilining so‘zlariga ko‘ra, Konor Dastin Poryega mag‘lub bo‘lganidan keyin chempionlik uchun kurasha olmaydi, chunki bu mantiqsizlik. Geytji, shuningdek, UFC boshliqlarini Makgregorga alohida e’tibor ko‘rsatayotganlikda aybladi.
Geytji, shuningdek, Konorga qarshi jang qilishni xohlashini, ammo bu karyerasida muhim o‘rin tutmasligini aytdi. Bundan tashqari, jangchining fikricha, Makgregor unga qarshi kurashmoqchi emas.
Ma’lumot uchun, 24 yanvar kuni bo‘lib o‘tgan jangda amerikalik Dastin Porye Makgregorni nokautga uchratdi.

Manab: aniq.uz