Isko «Real»dan qo‘yib yuborishni so‘rayapti. Unga APL klubi da’vogar

«Real» klubi yarimhimoyachisi Isko jamoasini o‘zgartirish fikridan qaytmayapti.
Cuatro’ning yozishicha, transfer oynasining so‘nggi kunida ispaniyalik futbolchi Madrid klubi rahbariyatidan o‘zini boshqa klubga qo‘yib yuborishni so‘ragan. 28 yoshli yarimhimoyachi «Real»da o‘yin amaliyotisiz qolayotganidan norozi bo‘lmoqda. Isko Ispaniya milliy jamoasiga chaqiruv olish va Yevropa chempionatida ishtirok etish uchun unga o‘yin amaliyoti beradigan jamoa safiga o‘tmoqchi. 
Isko uchun asosiy da’vogar sifatida Londonning «Arsenal» klubi aytilmoqda. Yaqinda Martin Edegorni ijaraga olgan Mikel Arteta Iskoni ham o‘z klubida ko‘rmoqchi.
Transfermarkt Iskoning transfer bahosini 20 mln yevroga baholagan. Ispaniyalik o‘yinchi joriy mavsumda «Real» safida jami 14 o‘yinda maydonga tushgan.


Manba tribuna.uz