Hindistonda rashkchi kuyov to‘y kuni bo‘lajak rafiqasini rashk qilib, suratkashni urdi. Ushbu holat aks etgan video Tvitterda paydo bo‘ldi. E’lon qilingan kadrlarda milliy to‘y libosidagi kelinning suratga tushayotganligini ko‘rish mumkin. Ta’kidlanishicha, kelinni suratga tushirish davomida suratkash unga yaqinlashgan va iyagiga tegib qo‘ygan, bundan qattiq g‘azablangan kuyov fotografni urgan. Kelin esa ushbu holatga o‘ziga xos tarzda munosabat bildirgan. Qiz tom ma’noda kulaverib, yerga yiqilib qolgan. Izohlarda foydalanuvchilar videoga hazil bilan munosabatda bo‘lishgan va "Men bu kelinni yaxshi ko‘raman", "Umid qilamanki, uning butun hayoti shunday quvonchli va baxtli bo‘ladi"," U juda ham yoqimtoy ", deya izohlar qoldirishgan. Manba: aniq.uz