«Реал» клуби яримҳимоячиси Иско ёзги трансфер ойнасида Мадрид жамоасини тарк этишга қарор қилди, дея ёзмоқда AS. Манбанинг ёзишича, 28 ёшли футболчи «Севилья» клубига ўтишга қарор қилган. Иско бу жамоада «Реал» собиқ мураббийи Хулен Лопетеги қўл остида тўп сурмоқчи. Қайд этилишича, Лопетеги Мадридда бўлгани каби «Севилья»да ҳам футболчига ўйин амалиёти беришни ваъда қилган. «Қироллик клуби» Искони ёзда қўйиб юборишга қарши эмас, аммо испаниялик яримҳимоячининг трансфери учун 20 миллион евро ишлаб олмоқчи. Маълумот учун, Иско 2013 йилдан буён «Реал» шарафини ҳимоя қилмоқда. У жорий мавсумда Ла Лигада 10та ўйинда майдонга тушиб, самарадорлик кўрсатмади.